N´asturianu

La necesidá d·avanzar na xunidá d·aición del nacionalismu asturianu y el reforciamientu de la cadarma interna de la organización cientrarán el discursu políticu de la cellebración.

Andecha Astur cellebrará·l so XV Díi d·Andecha esti prósimu vienres 25 mayu d·Ovín, Nava,con un actu políticu nel qu·intervendrá, ente otros, el Secretariu Xeneral de la organización y que finará con una espicha nel Llagar Alonso.

Demientres el trescursu d·esta cellebración, que comu ye vezu rialízase na fecha na que tuvo llugar la declaración de Soberanía de la Xunta Xeneral asturiana, amás de los avezaos conteníos d·arruelu, tendrá llugar un actu políticu, que se centrará fundamentalmente na necesidá
inaplazable d·avanzar haza la xunidá d·aición del nacionalismu  asturianu, cola esperiencia de Conceyu Abiertu comu espresión fasta la fecha más acertada del mesmu; asina comu·l procesu de reforciamientu de les cadarmes internes d·Andecha Astur cara al actual procesu d·acumulación de fuercies y de desendolcu d·estratexes de rempuesta a la llamentable situación socio-política que carez el Pueblu Asturianu.

Andecha Astur ye anguañu la formación decana n·activu del nacionalismu asturianu, con 20 años d·hestoria ininterrumpía defendiendo los drechos ya intereses colleutivos del Pueblu Asturianu, y dende va 15 años cellebra·l díi de la organización faciéndola coincidir cola proclamación de Soberanía de la Xunta Xeneral, comu actu reivindicativu de lo que ye la única alternativa válida p·Asturies, la necesidá de cuntar con un sistema xurídicu-políticu propiu y
unes istituciones soberanes qu·unicamente respuendan a les necesidaes ya intereses de la sociedá asturiana y que per ende dean rempuesta a los nuesos problemes en clave asturiana y non española.